على كثر مامشيت في كل ليله دروب الهم تطويني=والحظ الردي وبقايا جروحي هي كل ماتملكين
صبحي صار مثل ليلي يواسيني على كثر مايبكيني=ودرب العنا طويل ومعاه غربتي بتطول سنين وسنين
من يوم جيت لهالدنيا والهم صاحبي يجري في شراييني=يطرد أجمل احلامي وبسبابه تهجرني سنين
وحيد في دنيتي مجروح مالقيت من يداويني=كل ماأقول هانت القاها كل يوم تشين
لقيتك بسمه أمل وعرفتي إن المشاعر تكفيني=لكن للاسف المشاعر يمين وإنتي وقلبك مشملين
ماطلبت المستحيل بس محتاج قلب يحتويني=غلاي ذبحتيه في لحظه جفا وهو توه جنين
تمر سنين عمري ومركب جروحي منك يعزيني=مهاجر على حطامه وماأرجع لو إنتي ترجعين
صبرت على نفسي وقلت يادنيا كل ماجاني يكفيني=تارك لك ذكرياتي وبجمع جروحي في شنطتين
وباخذ معي قلم واوراق وشيء منك ينسيني=ومع الغروب بتشوفيني أنا وجروحي مودعين
وفوق السحاب بموت آمالي وأضيع كل عناويني=وبكتب قصتي ألم ودموعي بتكون فيها عناوين
.. مسائكـم محمـل بالخيـرات جميعـا ..
[center]
أتمنى أن تحوز على رضاكم
تحياتي:@دلوعة الشرقية@